A Nove Mesto en la Tschechia vegn Nino Schurter segund e Marcel Guerrini terz en la cursa da cross-country. Pli spert ch'ils Svizzers è be Tom Pidcock da la Gronda Britannia, ch'ha era gia gudagnà a gieus olimpics ed è campiun mundial. Era Mathias Flückiger sco sisavel e Lars Forster sco 10avel han realisà ina plazza sut ils top 10.
Tar las dunnas è Alessandra Keller vegnida terza. Gudagnà ha la Franzosa Pauline Ferrand-Prévot avant Haley Batten dals Stadis Unids. Las ulteriuras atletas svizras han manchentà ils top 10.
25-05 Alessandra Keller gudogna short track
La Svizra Alessandra Keller ha gudagnà la cursa da short track a Nove Mesto en la Tschechia. Quai avant la Franzosa Pauline Ferrand Prévot e l'Americana Haley Batten.
Tar ils umens è Thomas Litscher vegnì terz. Pli sperts ch'il Svizzer èn be stads il Franzos Victor Koretzky e l'American Christopher Blevins. Nino Schurter è vegnì otgavel. Vital Albin ha terminà la cursa sin il 37avel plaz.
