Grond success per Annina Tomaschett da Trun. La giuvna tiradura professiunala ha cun 23 onns gudagnà ses emprim titel da campiunessa svizra, quai cun la buis d'aria sin la distanza da 10 meters. En il final cun la meglras 8 tiraduras da la qualificaziun ha Tomaschett battì per 2,8 puncts Barbara Schläpfer da Gais en l'Appenzell Dadora che veva anc gudagnà la qualificaziun avant Annina Tomaschett. En la fasa decisiva dal final ha la Sursilvana però persvadì sco nagin auter. Terza è vegnida Audrey Goy da Ballens en il chantun Vad.
Envers l'uniun dal sport da tir svizra ha Annina Tomaschett ditg: «Quai è mes emprim titel svizzer, quel munta fitg bler a mai.»
Tar ils umens ha Gilles Dufaux dal chantun Friburg gudagnà il titel da campiun svizzer, quai avant Lars Färber da Favugn. Terz è vegnì Michael Köppel da Bogn Ragaz.
