La fin d’emna dals 26 als 28 da schaner ha gì lieu il campiunadi grischun da tir cun buis e pistola ad aria cumprimida. Cumenzà ha il program venderdi saira cun l’occurenza da gruppas.
La sonda èsi ì vinavant cun la proxima disciplina: 10 meters pistola e buis ad aria cumprimida per tiradurs e tiraduras singulas. Organisà l'occurrenza e concurrenza han las differentas uniuns da tir da l'Engiadin'ota e da la Bregaglia.
Cumbatter la sminuziun da commembers en las uniuns
Sco quai ch’il commember dal comité d’organisaziun e president da l’Uniun da tir da San Murezzan Marco Murbach ha explitgà, saja la digren dals commembers s'accentuada. El speria ch'il tir ad aria cumprimida portia en l’avegnir dapli glieud al sport da tir en l'Engiadina, en spezial era la giuventetgna.
Ussa cun quist tir da 10 meters daventa il sport da tir forsa pli interessant. Ma quai vegnin nus a vesair.
Impressiuns e rangaziuns dal champiunadi da tir
-
Bild 1 von 10. L'implant da tir provisoric. Bildquelle: RTR.
-
Bild 2 von 10. L'implant da tir provisoric. Bildquelle: RTR.
-
Bild 3 von 10. Bildquelle: RTR.
-
Bild 4 von 10. Marco Murbach. President da l'uniun da tregants San Murezzan. Bildquelle: RTR.
-
Bild 5 von 10. Armando Roner. Bildquelle: RTR.
-
Bild 6 von 10. Yvonne Margreth. Bildquelle: RTR.
-
Bild 7 von 10. Mario Feuerstein. Bildquelle: RTR.
-
Bild 8 von 10. Tiradurs en acziun. Bildquelle: RTR.
-
Bild 9 von 10. Podest da sajettar buis d'aria en gruppa. Sin l'emprim rang Bregaglia 1 cun Hans Peter Rieder, Alessandro Rota e Silvio Städler. Rang dus: Poschiavo cun Giorgio Murbach, Reto Costa e Ruggero Tuena. Rang trais: Bregaglia 2 cun Ezio Chiesa, Murbach Marco e Rafael Spinas . Bildquelle: BSV.
-
Bild 10 von 10. Podest da sajettar pistola d'aria en gruppa. Sin l'emprim rang Samedan cun Guido Zellweger, Songkran Najai, Armando Roner ed Adrian Ambauen. Rang dus: St. Antönien cun Nando Flütsch, Christian Luck, Marco Flütsch e Marianne Pitschi. Rang trais: Igis – Landquart cun Sybill Tscharner, Ramon Crameri, Christian Kunfermann ed Erich Schmid. Bildquelle: BSV.
Ils resultads dal campiunadi pon vegnir consultads tar la Federaziun Grischuna dal Sport da Tir suot www.kbsv.ch