Avant 30 onns nagin che carteva ch’il biatlon haja in futur en Svizra. Markus Margreth (70) da Tinizong era in dals paucs ch’aveva vis il potenzial da quest sport. El ha fundà il team da Biatlon Grischun il 1991 ed ha introducì novas furmas da concurrenzas – tranter auter la partenza en massa, ch’è vegnida en la cuppa mundiala pir trais onns pli tard. Ma la mancanza da sustegn finanzial tar «Biathlon Suisse» ha franà il svilup. Il 1995 ha il team grischun stuì ceder ed uschia è ì a fin era l’engaschi da Margreth.
-
Bild 1 von 6. Bildquelle: Markus Margreth.
-
Bild 2 von 6. Bildquelle: Markus Margreth.
-
Bild 3 von 6. Bildquelle: Markus Margreth.
-
Bild 4 von 6. Bildquelle: Markus Margreth.
-
Bild 5 von 6. Bildquelle: Markus Margreth.
-
Bild 6 von 6. Bildquelle: RTR.
Era sche Markus Margreth na fa betg pli activamain part al mund dal biatlon, resta sia passiun per quest sport intacta. El guarda cun gronda satisfacziun sin il svilup actual e sin il fatg ch’il Grischun ha cuntanschì in'impurtanza internaziunala grazia a l’Arena da biatlon a Lantsch.
Ch’il biatlon pudess chattar qua in dachasa, n’avess jau mai pudì s'imaginar pli baud.
Ma Margreth fa era ina critica: Malgrà il success en il mund dal biatlon pretenda el da Swiss Ski ch’ins investeschia dapli en la promoziun da la giuventetgna.