Lara Gut-Behrami vegn a manchentar il slalom gigant a Lienz. La skiunza era testada positiva sin il coronavirus avant la fin'emna da speed a Val d'Isère, ed ha stuì ir en quarantina per 10 dis. Uss è in ulteriur test da PCR da Gut-Behrami positiv. Quai ha communitgà Beat Tschuor, il scheftrenader da las skiunzas svizras.
Quai na correspunda betg a las cundiziuns e perquai na po ella betg prender part.
Er sch'ella na fiss actualmain betg pli contagiusa, na pudess ella betg partir. Lara Gut-Behrami è trumpada. Ella n'è dentant betg la suletta absenta. Mikaela Shiffrin (USA), che maina il classament general da la cuppa mundiala, manchenta era la cursa pervia d'ina infecziun cun il coronavirus.
