Mikaela Shiffrin sa chatta en isolaziun e sto desister da la proxima cursa da la cuppa mundiala a Lienz, en Austria. Sco ella scriva en las medias socialas, giavischa ella tut il bun a sias collegas da team e giavischa a lezzas bun success.
Shiffrin ha dacurt gudagnà sia 72avla cursa da la cuppa mundiala a Courchevel. En il classament general maina ella per il mument cun 750 puncts.
Er segn da dumonda tar Gut-Behrami
Suenter che Shiffrin sto desister da las cursas a Lienz, vegnan las retschas d'atletas pli e pli finas. Lara Gut-Behrami n'è per il mument betg nudada sco atlea per las cursas. Ses status è anc adina inditgà cun «anc avert».
Er betg cler è il status da la campiunessa mundiala dal slalom Katharina Liensberger. L'Austriacca è vegnida testada positiv l'emna passada.
