Lara Gut-Behrami è vegnida testada positiv sin corona. Tenor Swiss-Ski haja ella levs sintoms da dafraid ed haja gia bandunà Val d'Isère. In resultat positiv è era vegnì constatà tar dus accumpagnaders. Tut ils ulteriurs commembers dal team svizzer èn vegnids testads negativ.
Lara Gut-Behrami sa chatta en isolaziun e manchenta las cursas da la fin d'emna, sco era quels da l'emna proxima a Courchevel.