Sche Gianna Olinda Cadonau respunda lura: da l’Engiadina, na tanscha quai savens betg a ses visavi. «Ma, e per propi?», vegn ella dumandada lura, causa la colur pli stgira da sia pel. Uschia, raquinta ella, sa mussia il rassissem adina puspè en la vita quotidiana. Er en il Grischun, er en l’ambient cultural u intellectual, nua ch’ella sa muventa sco autura. En «Vita e cretta» discurra Gianna Olinda Cadonau tant da questas experientschas, sco era da l’emna cunter rassissem e pertge ch’er ella sezza possia emprender da questa emna d’acziun, ch’ha gì lieu ussa per l’emprima giada er en il Grischun.
cuntegn
Gianna Olinda Cadonau ed il rassissem en il Grischun
Gianna Olinda Cadonau è creschida si en l’Engiadina Bassa cun Chalandamarz ed Hom Strom sco tut tschellas e tschels da sia vegliadetgna er. E tuttina vegn ella adina puspè confruntada cun la dumonda: Danunder vegns?
Parter
