Uschia sa regorda per exempel era l’avat Vigeli Monn (59) ch’il pignol restava tar els en chasa, fin ch’el era brin. Ed era pli tard en il convent da la claustra da Mustér hajan ins anc ditg cuntinuà cun la tradiziun da laschar ils pignols fin ils dus da favrer. «Che Nadal cuzzava uschè ditg era tradiziun e normal per il pievel cristian», explitgescha el. Tut tenor regiun datti bain anc adina persunas e plaivs che dostan pir cun la festa da «Nossadunna da chandailas» lur stallas e decoraziuns da Nadal, dentant adina pli paucas.
Dentant – pertge vegniva Nadal insumma festivà uschè ditg? E tge ha quai da far cun la festa da «Nossa dunna da chandailas» sco punct final – ina festa che ha uss en sasez era num «Preschentaziun da Jesus en il tempel»? Per chapir quai dovri in sguard en la Bibla tar l’evangelist Lucas che descriva questa tradiziun da festivar Nadal 40 dis.
Dentant – pertge vegniva Nadal insumma festivà uschè ditg? E tge ha quai da far cun la festa da «Nossa dunna da chandailas» sco punct final – ina festa che ha uss en sasez era num «Preschentaziun da Jesus en il tempel»? Per chapir quai dovri in sguard en la Bibla tar l’evangelist Lucas che descriva questa tradiziun da festivar Nadal 40 dis.