Igl è tradiziun che Anna-Maria Schlosser avra las portas lateralas da l'orgla per premcommunicantas e premcommunicants en preparaziun. “Ils uffants en immens intgantads da vesair tge che capita en l’intern da l’orgla”, di l’organista rutinada. Questa dumengia avra Anna Maria Schlosser questas graschlas portas era per Vita e Cretta ed ella ans lascha scuvrir l'intern da l'orgla che vala sco regina dals instruments. Passa 48 onns lascha la magistra da musica en pensiun traglischar ils tuns dal l’orgla da la baselgia parochiala a Glion. Dumengias ordinarias, festas ecclesiasticas e sepulturas. “Na tut las dumengias en dumengias gloriusas a l'orgla ma mia lavur vegn appreziada da la populaziun e quai è fitg bel”, di Anna-Maria Schlosser.
Davart la constanza e fidaivladad al uffizi d’organista sur 48 onns, davart amur e passiun per la musica classica e sacrala, ma er davart la stgarsezza d’organistas e organists, raschuna Anna-Maria Schlosser en l’emissiun d’etica e religiun, dumengia proxima ils 16 da favrer en “Vita e Cretta”.
Davart la constanza e fidaivladad al uffizi d’organista sur 48 onns, davart amur e passiun per la musica classica e sacrala, ma er davart la stgarsezza d’organistas e organists, raschuna Anna-Maria Schlosser en l’emissiun d’etica e religiun, dumengia proxima ils 16 da favrer en “Vita e Cretta”.