Tar glieud giuvna muslima en Germania constatescha el ina frustraziun creschenta pervi d’ina debatta publica che discurra be en connex cun violenza e malsegirezza da l’islam. Tenor Güvercin èn las structuras organisadas da l’islam en Germania memia flaivlas per pudair reagir adequatamain sin quests problems. Da l’autra vart dovria quai er ina nova politica tudestga che resguardia meglier la diversitad da la cuminanza muslima en Germania. Güvercin vesa però er ina responsabladad tar las muslimas ed ils muslims sezs da s’organisar sco cuminanza religiusa tudestga independenta.
cuntegn
23.02.2025, 08:06 Ura L'islam, la Germania e las elecziuns – ina relaziun cumplexa
Per la discussiun politica en Germania curt avant las elecziuns èn ellas stadas sco ieli en il fieu: las attatgas a Magdeburg, Aschaffenburg e Minca. Ellas hajan procurà che la migraziun saja uss en il focus dal cumbat electoral actual, analisescha il publicist tudestg Eren Güvercin en l’emissiun «Vita e cretta».
Parter