Suenter che las tractativas èn terminadas, ha l’Uffizi federal da sanadad (BAG) fatg transparent ils contracts per procurar vaccins cunter Covid-19 cun ils producents. La Confederaziun è sa focusada en emprima lingia sin vaccins da mRNA da Moderna e Pfizer. Ulteriurs contracts èn cun Novavax, Janssen, Astrazeneca e Curevac. La valur ed insaquantas cundiziuns èn colurads nair ed uschia betg da vesair.
Da Moderna e Pfizer ha la Svizra retratg lunschor ils pli blers vaccins. Per il 2023 ha l’uffizi empustà tar els mintgamai 3,5 milliuns dosas da vaccinaziun. L’emprim aveva il BAG vulì ordinar 14 milliuns dosas, il parlament ha dentant pretendì che la confederaziun stoppia negoziar da nov ils contracts.
