L'Uffizi federal da sanadad e la Cumissiun naziunala per vaccinaziuns cusseglia era il vaccin da booster per giuvenils tranter 12 enfin 15 onns. Uschia duai il schurmetg individual avant in'infecziun ed ils effects dal virus vegnir rinforzà.
Sch'ils giuvenils han gì suenter la segunda dosa dal vaccin in'infecziun suenter dapli che quatter mais, na vegn dentant nagin vaccin da rinfrestgament recumandads. En quest cas valia l'infecziun cun il Coronavirus quasi sco booster.
Per il booster tar giuvenils vegn il vaccin da Pfizer/Biontech recumandà e quai suenter almain quatter mais suenter las emprimas duas dosas.
