Las cifras dals chantuns mussan ch'igl è stà fitg stretg. La gronda part da la Svizra centrala ed orientala è per la midada, ils chantuns dal vest èn encunter quella. Uri e Schaffusa han ditg fitg stretg Na. A Turitg è Glaruna eran in zic pli blers encunter.
Cleramain encunter la proposta è il chantun Giura, cun 64% Na. Il chantun Sutsilvania e Zug èn il pli cler persuenter, quai cun mintgamai passa 62% Gea.
Il Grischun di Gea
Il Grischun suonda a la proposta dal Cussegl federal: 53,35% dals votantas e da las votantas vulan abolir parzialmain la taglia anticipada. Sco quai che la chanzlia chantunala communitgescha, èn ils resultats definitivs. La participaziun a la votaziun è stada tar 48,26%
Oravant tut la Mesolcina è stada cunter la proposta, sco era parts dal Partenz e dal Grischun Central. Cleramain per abolir parzialmain la taglia anticipada è la Surselva, cun excepziun da Schluein.
Grischun: Abolir parzialmain la taglia anticipada
Resultat
Per tge vai?
Tgi che posseda obligaziuns na duai en l’avegnir betg pli stuair pajar taglia sin ils tschains che sa resultan da questa investiziun. Il Cussegl federal vul abolir la taglia anticipada da 35% – almain parzialmain, quai vala numnadamain be per obligaziuns. Gia ozendi pon persunas privatas cun sedia en Svizra dumandar enavos questa taglia anticipada – quai munta dentant blera birocrazia. La PS ha fatg il referendum cunter questa lescha, uschia ch’il pievel decida en chaussa.
