Cun integrar la banca Credit Suisse en la UBS pudessi dar en Svizra totalmain 3'000 persunas che perdan la plazza. Quai a il schef da la UBS, Sergio Ermotti ditg tar ina conferenza da telefon cun analists. En Svizra lavuran en tut radund radund 17'000 persunas per la Credit Suisse.
Per l'emprima mesadad dal 2023 annunzia l'UBS plinavant in gudogn da record: radund 28,9 milliardas francs. Il gudogn senza ils effects da la surpigliada saja radund 1,1 milliardas francs.
Cussegl federal cuntent
Entant ha reagì il Cussegl federal sin ils plans da la UBS, el sa mussa cuntent cun quests plans. Ins deplorescha bain ch'i vegnia a relaschadas, però dettia quai ina bun plan social per questas relaschadas. In plan social che la banca UBS e las organisaziuns dal persunal hajan contrahà.
Nagina marca Credit Suisse pli
L'UBS annunzia era ch'ella integreschia cumplainamain la Credit Suisse. Pia vegn il num Credit Suisse a svanir, e bleras plazzas da lavur pon esser periclitadas. L'UBS vegn a manar vinavant la Credit Suisse separadamain almain fin la fusiun giuridica en il 2024. Fin il 2026 duai l'integraziun esser finida.
Scul monetar da la Credit Suisse pli pitschen
Era suenter la surpigliada tras l'UBS ha la clientella cuntinuà a trair giu ses daners da la Credit Suisse. Il scul monetar en la sparta «wealth management» haja cuntinuà durant il segund quartal dal 2023, saja dentant «sa stabilisà».
Per la Credit Suisse annunzia l'UBS ina perdita (avant taxas) da 8,9 milliardas francs, 4,3 milliardas francs senza ils effects da la surpigliada.
Sponsoring cuntinuescha fin 2025
Las donaziuns da la Credit Suisse ad Organisaziuns e Societads vegnan a cuntinuar almain fin il 2025. Tar quai tutgan tranter auter la Naziunala svizra e divers museums e festivals da musica.
