La cussegliera dals chantuns Isabelle Chassot presidiescha la Cumissiun parlamentara d'inquisiziun PUK areguard il salvament d'urgenza da la Credit Suisse. Ils biros da las duas chombras federalas han elegì la politicra Friburgaisa da l'Allianza dal center en quest post.
Isabelle Chassot valeva gia tar la nominaziun sco favurita per il post. Sco anteriura Cussegliera guvernativa e directura da l'Uffizi federal da cultura enconuschia ella la politica e l'administraziun. Plinavant haja ella, sco giurista, las dretgas qualificaziuns. Ella vala er sco politicra dal fatg.
Incumbensas da la PUK
L’inquisiziun parlamentara duai sa fatschentar cun l’agir dal Cussegl federal, da l’administraziun federala, e d’auters gremis che han incumbensas federalas – quai adina en vista als schabetgs concernent la Credit Suisse e sia surpigliada tras la UBS. L’inquisiziun na duai betg sa limitar sin il temp curt avant la surpigliada d’urgenza, mabain era sa deditgar al svilup dals davos onns concernent la CS.
Ord l'archiv
