«Las sfidas en il provediment professiunal restan», ha ditg la cussegliera federala Elisabeth Baume-Schneider. E prioritarmain saja quai da reglar la finanziaziun da las cassas da pensiun. Questas han braja da finanziar las rentas che vegnan retratgas oz. Sco consequenza stoni per part confinanziar ellas cun las contribuziuns che vegnan pajadas actualmain. En mintga cas constatescha Baume-Schneider, ch'il project n'haja betg persvas la populaziun.
Na senza discussiuns en Svizra
La refurma da las cassas da pensiun proponida da Cussegl federal e parlament fa naufragi a l'urna. Il suveran svizzer sfundra la refurma cun 67,1% Na vers mo 32,9% Gea. Era sch'ils experts avevan spetgà plitost in Na a la refurma, n'avess nagin spetgà in Na uschè cler.
Refurma da las cassas da pensiun
Svizra: Refurma da las cassas da pensiun
-
GEA
810'877 Vuschs
-
NA
1'655'205 Vuschs
Betg in sulet chantun ch'avess ditg Gea a la refurma preschentada dal Cussegl federal ed approvada dal parlament.
Era en il Grischun in cler Na
Il Grischun refusa cleramain la refurma da las cassas da pensiun che Cussegl federal e parlament han proponì. Quai cun 62,3% Na envers 37,7% Na. Sa participà a la votaziun han en tut 43,4% da las votantas e dals votants en il Grischun.
Mo 6 da las 101 vischnancas grischunas han approvà la refurma. Tar questas sa tracti da vischnancas pli pitschnas e ruralas sco Furna, Lantsch, Urmein, Rossa, Buseno e Santa Maria en Calanca.
