Las ultimas emnas han pliras scolas en Svizra da sbatter cun smanatschas d'amoc. Sco avant in mais la scola secundara a Muttenz BL, nua ch'ils responsabels han chattà ina tala smanatscha en la tualetta da la scola. Questas smanatschas fan para part d'in trend sin TikTok che vala sco prova da curaschi tranter giuvnas e giuvens han chaschunà blera malsegirezza e tema. Quai conferma il rectur da la scola a Muttenz Simon Schweizer. Schegea che la polizia haja spert examinà la situaziun, revocà l'alarm ed eruì il delinquent, restian blers geniturs vinavant preoccupads e na laschian betg ir a scola ur uffants.
La polizia piglia serius talas smanatschas, sch'i saja ina smanatscha reala u betg. Talas acziuns e trends sajan però fitg stentusas e privlusas, perquai ch'i bloccheschian resursas da la polizia. Resursas che sajan anc adina stgarsas, conferma era la polizia. Uschia è il scolar delinquent da Muttenz vegnì dispensà temporarmain da la scola. Tar in ulteriur cas en il chantun Basilea ha in scolar stuì bandunar la scola.
Tenor l'expert per furmaziun da medias Laurent Sedano na sajan blers giuvenils betg conscients da las consequenzas da lur acziuns. El recumonda che geniturs e scolas, persunas d'instrucziun e scolaras e scolars tematiseschian tals trends, e las consequenzas d'in tal agir.
