La gronda part da la populaziun è cuntenta cun ses agen status da la relaziun, pia d'esser en ina relaziun u betg. Radund dus terzs dals Svizzers e Svizras èn en ina relaziun. Passa 60% da quellas relaziuns tegnan gia dapi almain 10 onns.
Esser en ina relaziun n'è dentant betg la suletta pussaivladad d'esser cuntent. La pli gronda part dals dumandads e dumandadas han ina persuna ch'i pon sa fidar – e per blers èsi era bel da simplamain ina giada esser persul.
Co vesan Rumantschas e Rumantschs quai?
Avrir la boxSerrar la box
60% èn cuntents cun il status da relaziun
61% n'èn betg gugent persuls
20% n'ha nagina persuna per sa fidar en cas d'urgenza (5-13% tar las ulteriuras linguas)
(persunas rumantschas ch'han dà resposta: 42)
Cun persunas ch'han in problem da dependenza, èn gia en ina relaziun u han la medema schlattaina, na pon ils blers betg s'imaginar ina relaziun. Betg imaginar pon ins era ina relaziun cun persunas ch'han in'autra vista politica, interessantamain èsi dentant per bunamain la mesadad (45%) en urden, sch'il partenari na discurra betg la medema lingua.
Influenza sin la cuntentientscha
Avrir la boxSerrar la box
Pli cuntent ch'insatgi è cun il status da sia relaziun, respectivamain è en ina relaziun, e pli cuntent che quel u quella è era cun la vita privata. In'influenza positiva hai era sch'ins ha insatgi ch'ins po sa fidar en cas d'urgenza ed ha buns amis ed amias.
Pli pauc cuntent èn quels che passentan pli gugent il temp cun animals che cun carstgauns, e quels che la lètg è in'instituziun antiquada. Quels e quellas èn era pli pauc cuntentas cun la vita professiunala.
