Sport è il daletg numer 1 en Svizra, bunamain trais quarts dals participants e participantas da la retschertga fan almain ina giada per emna sport.
En media vegnan 2,7 uras a di investidas en activitads dal temp liber. Svizzers e Svizras en l'exteriur fan anc dapli mintga di, lezzas passentan 4,6 uras cun activitads dal temp liber. En general prenda la lavur en il pli bler temp dal mintgadi – ed en media na discurran ins cun nagin durant 5,4 uras.
Co vesan Rumantschs e Rumantschas quai?
Avrir la boxSerrar la box
10% na fan mai sport
be 38% na fiman betg (tar las autras linguas fima be in terz)
(persunas rumantschas ch'han dà resposta: 48)
L'atgna sanadad e la sanadad tal conturn fatschenta fitg, ma era la situaziun finanziala. Betg blers patratgs fan ins pertutgant solitariadad. I sa mussa era ch'il agen bainstar vegn plitost influenzà d'elements dal temp liber e co ch'ins po organisar quels, che d'elements da la lavur, sco pendular u in meglier job.
Influenza sin la cuntentientscha
Avrir la boxSerrar la box
Tgi che passenta bler temp cun il partenari u la partenaria è pli cuntent cun la vita privata. Il medem vala sch'ins ha pli savens sex u sa senta amà.
In'influenza negativa ha la permanenta cumparegliaziun cun autras persunas. Tgi che na discurra betg bler cun autras persunas è era plitost malcuntent.
Tgi che sa fatschenta adina cun l'atgna segirtad finanziala, tgi ch'avess gugent dapli temp liber e dapli amis ed amias è tendenzial pli malcuntent cun la vita professiunala.
