Ils chantuns da Turitg e Berna crititgeschan il minister da sanadad Alain Berset. Quai perquai ch’el haja annunzià ch’il temp da spetga per la vaccinaziun da rinfrestgament duaja vegnir reducì da sis sin quatter mais, scriva la «Sonntagszeitung». Berset haja dasdà aspectativas enormas en la populaziun – di Peter Indra, il manader da l’uffizi da sanadad dal chantun da Turitg.
Tschientmillis persunas crajan ussa da survegnir il booster enfin Nadal.
Quai na saja però betg pussaivel. Indra crititgescha era ch'il Cussegl federal haja annunzià la reducziun dal temp da spetga avant che la cumissiun da vaccinaziun haja dà glisch verda.
Il directur da sanadad bernais Pierre Alain Schnegg da sia vart ha ditg ch’i na dettia actualmain ni ina lubientscha ni ina recumandaziun per in booster anticipà.
