Ch'ins possia gia laschar dar il booster quatter mais suenter la segunda vaccinaziun e betg pir suenter sis mais, saja ina gronda sfida organisatorica per ils chantuns. Els n’hajan anc betg gì temp da sa preparar da vaccinar pli baud bler dapli glieud, ha Lukas Engelberger, il president da la conferenza da directurs da sanadad, declerà envers SRF:
Sche la scienza vegnia a la conclusiun ch’i fetschia senn da dar pli baud la vaccinaziun da rinfrestgamentlura saja da far quai uschè svelt sco pussibel, ha el agiuntà.
La decissiun da venderdi, ils 17 da december
Booster gia suenter 4 mais: Il minister da sanadad Alain Berset ha annunzià, ch'i duai daventar pussaivel da sa laschar vaccinar cun il vaccin da rinfrestgament be 4 mais suenter la segunda vaccinaziun. La recumandaziun uffiziala vegn tenor l'Uffizi da sanadad a vegnir l'autra emna. Tenor Alain Berset haja quai ina impurtanta influenza en il cumbat cunter la varianta omicron.
