Cun las vaccinaziuns da rinfrestgament na vegnia la pandemia da corona betg ad esser a fin en Svizra. Quai di Christoph Berger, il president da la cumissiun da vaccinaziuns federala en in’ intervista cun la «NZZ».
Tenor Berger èn plirs puncts decisivs, uschia la vaccinaziun da booster per persunas vulnerablas ed ina quota da vaccinar pli auta. L’immunisaziun vegnia era a crescher cun quai che bleras persunas betg vaccinadas vegnian a s’infectar cun il virus quest enviern.
Per la vaccinaziun da rinfrestgament cusseglia la cumissiun da vaccinaziuns da duvrar il medem vaccin sco tar las emprimas duas dosas.
