La cumissiun parlamentara d'inquisiziun PUK che tracta la fin da la banca Credit Suisse è in pass enavant – ella ha deliberà il concept che mussa co che l'inquisiziun duai exact vesair ora.
Quai munta che la PUK po ussa intercurir quai ch'è succedì enturn la surpigliada da la Credit Suisse tras la UBS – hai num en ina communicaziun. Vul dir ch'i vegnian ussa per exempel interrogads commembers e commembras dal Cussegl federal, represchentants da la surveglianza dal martgà da finanzas e da la banca naziunala.
L'inquisiziun duai cuzzar fin la primavaira e suenter fa la PUK in rapport final per mauns dal parlament.
