La basa da viver duai vegnir protegida en la Constituziun federala. Quai pretenda l'iniziativa da biodiversitad. Il comité responsabel ha lantschà oz a Berna sia campagna da votaziun. Radund la mesadad dals spazis da viver natirals sajan periclitads en Svizra – e var mintga terza spezia da plantas e d'animals saja en privel u gia svanida, argumentescha il comité.
L'iniziativa pretenda perquai tranter auter meds finanzials per mantegnair la basa da viver. Il Cussegl federal ed il parlament refusan l'iniziativa che va en votaziun il settember.
Adattà al tema
Per il Cussegl federal va l'iniziativa per la biodiversitad memia lunsch. Quai vala er per ils adversaris. Intgins renconuschan dentant la necessitad d'agir. Per ils aderents vai per nagut auter che la basa da viver che saja en privel. In sguard sin ils arguments or da la debatta en il cussegl naziunal.
