L'iniziativa da biodiversitad limitass tenor il comité Na fermamain la producziun da mangiativas. Latiers fetschia l'agricultura svizra gia ussa bler per la biodiversitad. Cun quests arguments ha lantschà il comité Na oz sia campagna cunter l'iniziativa dal pievel.
L'iniziativa or dals circuls da la protecziun da la natira, da la cuntrada e da la patria pretenda dapli protecziun per la natira e la cuntrada, e dapli surfatschas e daners per rinforzar la biodiversitad.
