L'Uniun purila svizra refusa l'iniziativa da biodiversitad che vegn quest onn en votaziun.
I na dovria naginas reglas novas, e las pretensiuns da las organisaziuns per la protecziun da la natira sajan totalmain exageradas, hai gì num a la conferenza da medias annuala da l'uniun purila.
Vitiers pretendan ils represchentants dals purs e da las puras d'augmentar ils pretschs da producziun. Quels duain crescher per 5 fin 10% tenor l'Uniun purila svizra. Pretschs fairs e per cuvrir ils custs sajan la basa per ulteriurs meglieraments sin il sectur dal bainstar dals animals, da la protecziun dal clima u da la promoziun da la biodiversitad, hai gì num vinavant.
Or da l'archiv:
Las stentas dals purs grischuns per il clima.
video
Puras e purs grischuns fan da piunier e vulan producir neutral al clima
Or da Telesguard dals 20.10.2021.
laschar ir. Durada: 3 minutas 35 Secundas.
