Il sboz da la nov'ordinaziun da chatscha saja actualmain anc memia limità. El sa concentreschia memia ferm sin il cumbat dal luf e dal castur, pia sin il sajettar ils animals – betg reglà vegnia dentant l'aspect da la coexistenza tranter animal e carstgaun. Quai crititgeschan las organisaziuns Pro Natura, WWF Svizra, BirdLife Svizra e la Gruppa luf Svizra en ina communicaziun communabla.
Las quatter organisaziuns per la protecziun da la natira pretendan pia era propostas concretas per meglierar la coexistenza tranter carstgaun e luf sco er castur per la nov'ordinaziun. Plinavant na saja il sboz actual da la nov'ordinaziun betg orientà a la pratica cura ch’i giaja per la protecziun da muntaneras. E quel na saja era betg cumpatibel cun il dretg superiur.
Las quatter organisaziuns han prendì posiziun en il rom da la consultaziun supplementara da l’ordinanza. Fin ils 5 da fanadur è l'ordinaziun en consultaziun per concretisar las midadas ch'il parlament aveva decis la stad passada. En vigur duai la nov'ordinaziun da chatscha ir il 1. da favrer 2025.
Or da l'achiv
