La vischnanca da Baar en il chantun Zug ha gia sa preparà durant plirs dis per la gronda festa en onur da ses nov elegì cusseglier federal Martin Pfister: 3'000 sandwichs, 100 liters suppa da rischmelnas, 2'000 buttiglias da gervosa regiunala e 220 buttiglias da vin stattan a disposiziun per la celebraziun. Schizunt in tarpun cotschen han ins rasà ora per il nov cusseglier federal.
-
Bild 1 von 4. President communal da Baar, Walter Lipp, beneventa Martin Pfister e ses osps da Berna. Bildquelle: Keystone.
-
Bild 2 von 4. Tranter ils 900 osps d'onur da Martin Pfister sa chatta era l'anteriura cussegliera federala Viola Amherd. Bildquelle: Keystone.
-
Bild 3 von 4. Schizunt in tarpun cotschen han ins rasà ora per il nov cusseglier federal. Bildquelle: Keystone.
-
Bild 4 von 4. Ils tamburs da Baar mainan il til festiv da la staziun fin la citad da Baar. Bildquelle: RTR.
Martin Pfister è arrivà cun in tren spezial da Berna fin a sia vischnanca burgaisa Baar. Punctualmain a las 14:15 è quel arrivà a la staziun da Baar. Là beneventa il president communal da Baar, Walter Lipp, cun buna luna il nov cusseglier federal e ses osps da Berna. Accumpagnà Martin Pfister han tranter auter l'anteriura cussegliera federala Viola Amherd e divers cussegliers naziunals, cusseglieras dals chantuns e represchentants dal Tribunal federal, dal Tribunal administrativ federal e dal Tribunal penal federal.
-
Bild 1 von 11. La populaziun da Baar celebrescha ses nov cusseglier federal Martin Pfister. Bildquelle: Keystone.
-
Bild 2 von 11. Martin Pfister salida durant il til la populaziun da Baar da sia charrotscha da chavals. Bildquelle: Keystone.
-
Bild 3 von 11. Martin Pfister giuda l'atmosfera durant la gronda festa. Bildquelle: Keystone.
-
Bild 4 von 11. Martin Pfister salida la populaziun da Baar durant il til. Bildquelle: Keystone.
-
Bild 5 von 11. Martin Pfister e l'anteriura cussegliera federala Viola Amherd durant il til festiv. Bildquelle: Keystone.
-
Bild 6 von 11. Schizunt in tarpun cotschen han ins rasà ora per il nov cusseglier federal. Bildquelle: Keystone.
-
Bild 7 von 11. Era gervorsa en onur dal nov cusseglier federal Pfister datti a la gronda festa. Bildquelle: RTR.
-
Bild 8 von 11. Martin Pfister e ses 900 osps d'onur dian adia a la populaziun da Baar avant ch'ir vinavant en la halla Waldmann. Bildquelle: RTR.
-
Bild 9 von 11. Martin Pfister vegn beneventà dals grenardiers da Zug. Bildquelle: Keystone.
-
Bild 10 von 11. Bildquelle: Keystone.
-
Bild 11 von 11. Bildquelle: Keystone.
Ils tamburs da Baar mainan cun in til festiv Martin Pfister e ses numerus osps d'onur da la staziun tras la citad da Baar. Sustegn musicalic dat durant il til era la «Feldmusik Allenwinden». Suenter la festa ed il til per la populaziun da Baar van ils 900 osps da Martin Pfister vinavant en la halla Waldmann. Là spetgan in menu da supraisa plirs ed era plirs pleds.
Or da l'archiv: