Pervi d'ina eventuala stretga da forza electrica na duess ins betg far in drama. Quai ha il minister d'economia, Guy Parmelin ditg envers Radio RTS. La finamira dal Cussegl federal saja d'evitar restricziuns e contingentaziuns. Proximamain veglia el preschentar ils plans.
Mesiras da spargn prendidas ordavant n'hajan dentant betg in'influenza sin la situaziun da l'enviern, cura ch'i pudessia eventualmain dar stretgas. L'emprim ina giada saja da duvrar voluntarmain damain electricitad e gas. Sche quai na tanschia betg, stoppian ins discutar cun ils pajais vischins.
