En Svizra è il dumber da las abitaziuns vidas ì enavos marcantamain en il decurs dad in onn. Il zercladur eran passa 1,31% da tut las abitaziuns vidas quai ch'è 0,23% damain ch'il medem temp da l'onn passà. Tenor l'uffizi federal da statistica è quai la pli gronda reducziun da la quota dapi 20 onns. Tut en tut eran il prim da zercladur bun 61'500 abitaziuns vidas bun 9'900 damain che l'onn avant. La pli bassa quota d'abitaziuns vidas ha il chantun Zug suandà da Genevra e la Sutsilvania.
Era la Credit Suisse ha constatà ina reducziun
En in studi davart immobiglias ha la Credit Suisse era constatà ina reducziun d'abitaziuns vidas. Tenor quest studi saja la raschun ch'i vegn construì pli paucas abitaziuns, ma la dumonda crescha tuttina vinavant, quai causa la creschientscha economica e l’immigraziun. Dapi l'onn 2019 tschessa la construcziun d'abitaziuns en Svizra. Ils ultims dus onns han ins nudà 4'800 pli paucas lubientschas da bajegiar. Actualmain hajan las stretgas da furnir material ed ils pli auts pretschs er ina gronda influenza, scriva la Credit Suisse.
