Malgrà la pauca naiv ch' engrevgiescha la vita a pendicularas e gastronomia en il Grischun hai dà mo paucas preannunzias per lavur curta . 16 il december, e 13 il schaner. Bleras da questas interpresas n'han dentant la finala betg cuntanschì il minus da 75 pertschient da la svieuta ch'è necessari per survegnir indemnisaziuns.
Sch'ins mira sin las cifras da las pendicularas èsi betg stà in enviern extrem dramatic. Naturalmain èsi ina gronda sperdita per quels che na han betg pudì avrir, quai èn dentant plitost paucs.
Quai ha ditg il cusseglier guvernativ responsabel, Marcus Caduff sin dumonda dad RTR: Per il december ha nagina interpresa pudì far diever da daners da lavur curta, il schaner poi esser ch'ina u l'autra po survegnir indemnisaziuns. Er per il rest da l'enviern na quinta il chantun betg cun bleras dumondas.
