Ina part da la gronda show èn las cartas postalas dal ESC. Quai èn ils videos da var 45 secundas che mussan ils artistas ubain lur tiara. Dapi decennis èn quellas cartas postalas cult. E la motivaziun da Jen Ries da lavurar vid quellas è gronda.
Cura che jau hai vis che l'ESC vegn en Svizra era per mai clar: Jau vuless crear las cartas postalas.
La dunna da Cuira lavura en la branscha da film ed è grond fan da l'ESC. Ensemen cun l'interpresa Dynamic Frame da Turitg ha ella fatg in concept per las cartas postalas, persvas la SRG SSR e cumenzà a crear ellas. L'idea: Artistas da tut ils pajais participants vegnan envidads en per mussar la Svizra en tut sias fassettas. 37 cartas postalas èsi da crear.
L'Europa duai vesair ina Svizra diversa. Nus vulain mussar a l'Europa quai ch'ella spetga da la Svizra, ma era mussar varts main enconuschentas.
Ina filmada d'ina carta postala ha gì lieu en il resgim.
-
Bild 1 von 2. La band «KAJ» che va al ESC per la Svezia.... Bildquelle: Keystone.
-
Bild 2 von 2. ... emprenda a Magglingen da Curdin Orlik da lutgar. Bildquelle: RTR.
I sa tracta dal video per la band «KAJ» da la Svezia. Els emprendan da lutgar cun Curdin Orlik.
Igl è ina onur da mussar il sport da lutga a l'entira Europa. Jau hai plaschair d'esser ambassadur.
200 milliuns persunas vesan la Svizra cun tut sias fassettas. Era il Grischun fa part dals videos, per exempel en viadi cun la Viafier retica, cun visitar il Chalandamarz ed en la mesapipa sin il Crap Sogn Gion. Las cartas postalas vegnan mussadas durant ils mezfinals ed il final dal ESC.