La Posta svizra ha fatg dapli gudogn l'emprim semester da quest onn. Cumpareglià cun l'onn avant è quel creschì per 12 milliuns sin 259 milliuns francs, sco la Posta communitgescha. La svieuta è s'augmentada per 104 milliuns sin 3'460 milliardas francs.
Contribuì a quest resultat ha surtut la PostFinance. Ils ultims sis mais ha la Posta furnì prest 3% damain brevs e 5,1% damain pachets ch'anc l'onn avant. Quai haja tranter auter da far cun il fatg che la glieud cumpria suenter corona puspè dapli en las butias. Cumpareglià cun il 2018 è la quantitad da pachets però anc adina per passa 40% pli auta.
