Ina incumbensa da Tino Schneider (AdC, Cuira) pretenda da la regenza da resguardar la creschientscha economica tar la taglia. Senza quai glischnan persunas pervia dal sistem da progressiun en stgalims pli auts, senza avair ina pli auta paja «reala», uschia il text da l'incumbensa.
En il rom da l'incumbensa dal levgiament da taglias per famiglias e persunal qualifitgà duai la regenza curreger quai. L'uschenumnada «progressiun chauda» mainia uschiglio tar in secret auzament da taglia. I vegn cità in studi d'Avenir Suisse che la Confederaziun haja survegnì 800'000 francs dapli taglia pervia da la progressiun chauda.
