Per reducir il dumber da persunas senza tetg pervi da drogas en il Grischun duai la regenza examinar l'uschenumnà concept «Housing First» . Ella duai preschentar al cussegl grond ina survista da la situaziun e co ch'ins pudess realisar quest concept. En quai senn ha il Cussegl grond surdà a la regenza ina incumbensa dal deputà Tobias Rettich da la PS.
Il concept preveda da metter a disposiziun spazi d'abitar senza far cundiziuns, per exempel che la persuna na dastga betg pli prender drogas. La tesa è ch'in dachasa segir saja la basa per pudair stabilisar a lunga vista la situaziun da viver en general.
audio
Per tadlar: las novbitads da las 18:00
ord RTR Audio dals 04.09.2023.
laschar ir. Durada: 4 minutas 31 Secundas.
