Chadaina da Fortuna - Svizras e Svizzers doneschan 82,5 milliuns francs a l'Ucraina

La populaziun da l’Ucraina stat tuttenina avant in futur intschert. Tschientsmillis èn sin la fugia – cunzunt dunnas ed uffants tschertgan refugi en ils pajais vischins. Las consequenzas da l'offensiva militara da la Russia encunter l'Ucraina sajan sa pegiuradas, scriva la Chadaina da Fortuna. Per dumagnar la crisa umanitara ch’i vegn a dar tras questa crisa appellescha la Chadaina da Fortuna a la solidaritad cun la populaziun ucranaisa.  

Al di da collecta han Svizras e Svizzers donà passa 51 milliuns francs per gidar la populaziun ucranaisa. En tut ha la Chadaina da Fortuna pudì rimnar en Svizra fin ussa passa 82,5 milliuns francs per gidar Ucranaisas ed Ucranais.

Discurs cun:

Per donaziuns

En in’emprima fasa vegn la Chadaina da Fortuna a concentrar ses agid sin las terras vischinas che prendan si fugitivs da l’Ucraina. Blers umans èn fugids be cun il pli necessari e sa chattan en alloschis provisorics, staziuns, bajetgs publics u – sch’els han fortuna – tar parents ed enconuschents. Il pli urgent dovran quests umans vivonda, suttetg, products d’igiena e provediment medicinal.

La Chadaina da Fortuna lavura ensemen cun ses partenaris sco per exempel Caritas, Crutsch Cotschna, HEKS, Helvetas, Medair, Medis senza cunfins, Terre des hommes. Questas organisaziuns giuditgeschan la situaziun e fan tut il pussaivel per organisar il dretg agid.  

Impressiuns dal di da rimnada tar RTR