Milliuns da persunas èn sin fugia en l'intern da l'Ucraina. Latiers vegnan 2 milliuns persunas ch'èn gia fugidas en ils pajais vischins da l'Ucraina. Quai las cifras da l'Autcumissariat da las Naziuns Unidas per ils fugitivs (UNHCR). Quels dependian da l'agid dad auters. Perquai ha il Cussegl federal augmentà l'agid umanitar da la Svizra per l'Ucraina ed ils pajais vischins sin 80 milliuns francs
Trais quarts per l'Ucraina – in quart per pajais vischins
Dals 80 milliuns duain in quart ir als pajais vischins per l'agid umanitar e trais quarts en l'Ucraina. Passa 20 milliuns metta il Departament d'affars exteriurs a disposiziun e 6 milliuns il Departament federal da gustia e polizia. Ils auters passa 50 milliuns suttametta il Cussegl federal al parlament per approvar.
Las bleras persunas sin fugia n'han betg access a forza electrica, aua, mangiativas ed autra rauba per il provediment da basa. Entant ha la Svizra tramess passa 500 tonnas material d’agid en l'Ucraina sco era en la Pologna ed in Moldavia. Cun l'agid sa mussa la Svizra solidara cun Ucranaisas ed Ucranais, e resguarda la tradiziun umanitara scriva il Cussegl federal.