Pauca naiv ed autas temperaturas. Quella maschaida ha era laschà svanir ils glatschers il 2023. Gia uss tschantscha l'Academia per scienzas svizra d'in ulteriur onn da record il 2023. Igl è la segund pli gronda perdita da volumen en in onn, suenter l'onn 2022. Là èn 6% luads , quest onn anc ina giada 4%.
Per cumparegliar: il volumen svanì il 2022 surpassa quel dal Lai Rivaun (Walensee) (2,5 kilometers cubics) per 0,5 kilometers cubics. U per s'imaginar il volumen sin in'autra moda e maniera: Quai è radund 24'000 giadas il volumen da la halla da la staziun a Turitg.
Schizunt ils pli auts glatschers èn vi da luar
En las parts dal sid dal Vallais ed en l'Engiadina èn quai onn luads plirs meters da la cuverta da naiv dals glatschers sur 3'200 meters sur mar. En tut saja aifer dus onns svanì tant volumen sco en l'entir temp tranter 1960 fin 1990. L'Academia da scienzas svizra ha commentà, che «l'acceleraziun saja dramatica.»
