Per l'onn 2022 èsi da quintar cun in record da regress da glatschers. Enfin uss valiva ina perdita da 2% dal volumen sco «extrem». Quest onn vegnì ad esser 6%. Quai scriva l'Academia svizra da las scienzas natiralas.
Cun trais kilometers cubic va a perder in volumen surpassa quel dal Lai Rivaun (2,5 kilometers cubic). U per s'imaginar il volumen sin in'autra moda e maniera: Quai è circa 24'000 giadas il volumen da la halla gronda da la staziun a Turitg.
Spezialmain per glatschers pitschens è la perdita gronda. Il Vadret dal Corvatsch è per exempel quasi svanì quest onn. Tenor in auter studi da l'ETH è il volumen be pli la mesadad da quai ch'el era l'onn 1931.
Chaschunà la perdita n'han betg mo las autas temperaturas, mabain er l'enviern 21/22 fitg sitg. Ina part da la naiv da l'enviern 2021/22 resta normalmain sin ils glatschers e lascha crescher il volumen.
