5’298 meters - Cunfin da 0°C uschè aut sco anc mai

Anc mai è il cunfin da nulla grads stà uschè aut en Svizra sco la notg passada. Tenor ils servetschs meteorologics han ins mesirà a Payerne en il chantun Vad nulla grads sin 5’298 meters sur mar. Quai èn 115 meters pli aut ch’il record da fin uss. L’ultim record saja vegnì mesirà sin 5’184 meters sur mar la fin da fanadur 2022. Quai ha communitgà Meteo Schweiz. Il cunfin da nulla grads vegn mesirà dapi il 1954.