L'augment da pajas en Svizra na tegn betg pass cun l'augment dals pretschs. Las pajais nominalas èn il 2023 probabel 1,8% pli autas che 2022, l'inflaziun munta dentant a passa 2%. Pia fadian las persunas en Svizra sut il stritg pli pauc che 2022.
Quai ha l'Uffizi federal da statistica calculà per ils emprims trais quartals dal 2023. Er els emprims dus quartals è l'augment da pajas muntà a 1,8%. Tenor prognosas vegn l'inflaziun per il 2023 dentant a muntar ad 1,8%.
I è il segund onn che las pajas sa sminueschan, sch'ins resguarda la chareschia. Il 2022 èn las pajas creschidas per 0,9%, e l'inflaziun è stada 2,8%.
