Emploiadas ed emploiads dal discounter Denner survegnan dapli paja l’auter onn. Cunzunt persunas che lavurian en la vendita u la logistica duajan profitar da l’augment. En pli vegnia la paja minimala augmentada per 100 francs il mais sin 4'400 francs per emploiads senza emprendissadi .
Denner auza er las pajas minimalas. Per persunas senza emprendissadi èsi da nov 4'400 francs, per persunas cun emprendissadi da dus onns 4'500 francs e per in da trais onns 4'600 francs. Plinavant duain tut las emploiadas ed ils emploiads survegnir in bon da cumpra en valur da 500 francs. Il 2023 ha Denner augmentà la paja, medemamain sco reacziun sin la chareschia, per 2,3%.
Radund 6'000 persunas lavuran per il discounter che tutga al Migros. Gia avant in pèr emnas han Migros e Coop annunzià las pajais sin l’auter onn.