L'Uniun sindicala svizra SGB pretenda che las pajas realas creschian l’auter onn en general per 5%. Ils Svizzers e las Svizras sajan adina pli fitg sut squitsch pervi da l'inflaziun, ils tschains da locaziun e pervi da las premias da las cassas da malsauns – uschia l’argumentaziun.
A chaschun da la conferenza da medias en connex cun la runda da paja 2024 ha la SGB crititgà ils patruns che veglian mo cumpensar la chareschia, malgrà la buna conjunctura. Perquai prepara l'Uniun sindicala svizra ina mobilisaziun cunter «la quarta runda da paja da minus» en seria: Ils 16 da settember è planisada ina demonstraziun a Berna.
