La chasa editura Somedia fa midadas tar sia purschida da gasettas gratuitas. La «Glarner Woche» na cumpara betg pli a partir dal fanadur. La gasetta emnila è cumparida durant 14 onns cun in'ediziun da 20'000 exemplars. Il persunal pertutgà po midar aifer la Somedia.
E la gasetta gratuita «Obersee Nachrichten» che cuvra la regiun Rapperswil, venda la Somedia a la chasa editura Fridolin-Medien, sco las duas interpresas communitgeschan ensemen.
Uschia vul la Somedia sa concentrar sin il territori da Glaruna sin edir gasettas quotidianas, sco per exempel la gasetta quotidiana «Glarner Nachrichten», la «Linth-Zeitung» ubain era sin emissiuns da «Radio Südostschweiz» e «TV Südostschweiz».
