La reportra dad RTR Carmen Monn ha rapportà live da Turitg:
Eva ed Anita Gaudenz èn sguladas en il Canada per visitar il partenari dad Eva. Nus avain discurrì cun ellas gist suenter la controlla da segirtad. Eva sgola regularmain, per Anita Gaudenz èsi l'emprima visita en il Canada.
Impressiuns da Turitg
-
Bild 1 von 7Legenda: Cunzunt al check-in 1, nua che tranter auter era las societads d'aviatica Edelweiss e Swiss han lur spurtegls, marschi bler. RTR, Carmen Monn -
Bild 2 von 7Legenda: RTR, Carmen Monn
-
Bild 3 von 7Legenda: Aura perfetga per sgular. RTR, Carmen Monn
-
Bild 4 von 7Legenda: Eva ed Anita Gaudenz avant il sgol a Toronto, Canada. Eva Gaudenz
-
Bild 5 von 7Legenda: Curt avant che Eva ed Anita Gaudenz èn entradas en l'aviun. Eva Gaudenz
-
Bild 6 von 7Legenda: La maschina da l'Edelweiss è pronta. RTR, Carmen Monn
-
Bild 7 von 7Legenda: Uschia era quellas da la Swiss. RTR, Carmen Monn
Sper ils passagiers dovri sin ina plazza aviatica natiralmain era persunal, per che tut funcziunia endretg. Sper il persunal da terra, a l'eroport sez, datti era anc quels en ils eroplans. Ina da quellas è Emanuela Pelican. Ella lavura dapi set onns sco flight attendant tar Edelweiss, accumpogna pia ils giasts durant il sgol.
Blers uffants han il siemi da daventar pilota u pilot, uschia era Sven Cadonau da Vuorz. El ha realisà quest siemi ed è dapi 12 onns pilot professiunal.
Viagiar e corona
En tge pajais europeics, populars tar Svizras e Svizzers, datti anc restricziuns da viagiar?