- Sin l'areal Islas a San Murezzan duai dar ina halla da glatsch cun ina plazza per rimnar rauba da reciclar. Il planisader general Penzel Valier SA da Turitg ha gudagnà la concurrenza d'architectura. Persvadì haja il project «Balantscha» tenor la vischnanca cun sia funcziunalitad e l'integraziun el conturn. La populaziun duai votar la stad che vegn davart il credit general.
- L'Uffizi federal da polizia (Fedpol) ha ina nova directura. Eva Wildi-Cortés succeda a Nicoletta della Valle che dat giu ses post al cumenzament dal 2025 suenter 10 onns sco directura. Wildi-Cortés lavura er gia passa 20 onns per il Fedpol, dapi il 2016 sco vicedirectura. Uss surpiglia ella la responsabladad per passa 1'000 collavuraturas e collauvraturs sco er per sviluppar e realisar la politica naziunala per la segirtad interna en Svizra.
- Uss ha in ulteriur grond dal tennis terminà sia carriera. Rafael Nadal, il rival perpeten ma er bun ami da Roger Federer ha dà ses ultim gieu sco profi en il gieu singul al Davis Cup. Sco gia ses pli emprim gieu al Davis Cup, ha el er pers ses ultim.
Il di en survista
Themen in diesem Newsticker
- Hockey regiunal – victorias per Arosa e San Murezzan
- Ospital Samedan: Integraziun en l'ospital chantunal faschess senn
- Hurricans èn vegnids pli ferms
- Translocar Brinzauls: Zonas d'abitar a Casti, Alvagni e Vazerol
- Rimnar suttascripziuns per daners è tenor il Cussegl federal ok
- «Stahl Gerlafingen» spetga anc cun mesiras drasticas
- Tschlin ha surmuntà in’invasiun da giats
- Bö vul anc far duas stagiuns
- Omaduas varts fan appellaziun en il cas da l'anteriur derschader
- Raschuns per midar da l'armada tar il servetsch civil
- Churwalden ha adattà sia planisaziun locala
- Markus Ritter vinavant il pli aut pur
- Cuntravent per l’iniziativa che vul scumandar dir d'auca
- Eva Wildi-Cortés surpiglia il Fedpol
- Svizra tramettra chauns da salvament per sparids en Spagna
- Insects duain survegnir dapli spazi en Svizra
- Il 2023 hai dà 20% dapli unfrendas pervia da minas terrestras
- Il potenzial solar da lais da fermada è limità
- Curling: 5avla victoria per ils svizzers suenter gieu cun Ollanda
- Penzel Valier dastga construir la halla da glatsch a San Murezzan
- Ina notg burascusa ha annunzià l'enviern en Svizra
- Ils gieus per il mezfinal da la Cuppa grischuna èn fixads
- Tar il tema queer van las opiniuns in ord l'auter en Svizra
- Grezia bloccada pervi d'unda da chaumas en tut il pajais
- Servetsch secret russ ha arrestà in Tudestg pervia da sabotascha
- Rafael Nadal ha dà il davos gieu da sia carriera
- Procura publica New York pronta da spustar sentenzia cunter Trump
- La Svizra stagneschia puncto politica dal clima enfin il 2030
- Rapport d'Unicef prognostitgescha situaziun per minorens il 2050
Il sguard enavant
- A la cuppa grischuna da ballape datti in derbi sursilvan. Il CB Trun/Rabius che dat en terza liga frunta en il mezfinal sin il CB Lumnezia che dat en quarta liga. L'ulteriur mezfinal dat l'US Schluein Glion cunter Landquart. Ils mezfinals èn previs per la fin mars, il final lura d'Ascensiun la fin matg.
- Ils responsabels da vischnanca e chantun han infurmà la populaziun da Brinzauls davart plans e detagls per ina pussaivla translocaziun. Vul dir tge che capita sche la populaziun sto bandunar il vitg e midar abitadi per adina. Il plan prevesa novas zonas d'abitar a Casti, Alvagni e Vazerol.
