- Las vischnancas da l'Engiadin'Ota han probabel da decider ils 17 d'avust davart l'avegnir da l'eroport da Samedan. La conferenza da l'eroport ha deliberà il messadi da votaziun per renovar quel. L'emprim sto il suveran abolir la votaziun dal mars 2017 per investiziuns en l'infrastructura da l'eroport. Lura vai era per conceder in credit d'impegn da 38 milliuns francs e da surpigliar la responsabladad per emprests da terzs da total 20 milliuns francs. San Murezzan che profitescha ordvart da l'eroport da Samedan sto plinavant decider ordavant davart ina contribuziun speziala da 5 milliuns francs.
- Nagina tensiun da las elecziuns communalas da Glion. Sin la glista da candidatas e candidats che la vischnanca ha publitgà n'hai nagliur dapli persunas che candideschan che quai ch'i dat posts d'occupar. Per il post da presidi na datti il mument nagina concurrenza per il president en uffizi Marcus Beer. Tuttina vesi er or en la suprastanza. Las quatter persunas ch'èn actualmain en suprastanza stattan anc ina giada a disposiziun.
- A partir da quest onn vegnan iIs Dis da litteratura organisads a Cuira en la Postremise e betg pli sco enfin uss a Domat. Quai ha communitgà l'Uniun per Litteratura Rumantscha.
- Ils kinos cun lunga tradiziun en il center da Cuira chalan cun lur program regular la fin da quest mais. Quai ha annunzià la famiglia possessura Kalberer. En ina communicaziun a las medias menziuna quella sco raschuns ils effects dal temp da corona, ils pretschs d'energia e ch'il maun public na sustegnia betg ils kinos finanzialmain.
Il di en survista
Themen in diesem Newsticker
- Bever di Gea ad integraziun da l'ospital regiunal en il chantunal
- Persunas da l'Israel na dastgan betg ir en las Maledivas
- Als hotels en il Tessin mancan ils giasts
- Ballape regiunal: Cuira – Altstätten 3:2
- Tuttina ristg pli pitschen a Mitholz
- Millis Palestinais han protestà cunter la Hamas
- Mesiras pervia d'avertiments da plievgia
- Nagina tensiun da las elecziuns communalas da Glion
- Doris Bianchi surpiglia uffizi federal per assicuranzas socialas
- Traffic da Pasca ha cumenzà