- L'Ospital regiunal Engiadin'Ota cuntrafa a moda gravanta a la lescha da lavur, scriva il «Beobachter». Il persunal lavuria bler da memia ed haja tras quai per part problems psichics.
- La Banca chantunala grischuna ha fatg l'onn passà in gudogn da bunamain 230 milliuns francs – tenor il president Peter Fanconi in meglier resultat che spitgà. Il chantun Grischun po spitgar 103 milliuns francs da la Banca cantunala.
- Als campiunadis mundials da skis ha il Grischun Thomas Tumler gudagnà argient en il slalom gigant. Be Raphael Haaser da l'Austria è stà pli spert. Cumplettà il podest ha il Svizzer Loïc Meillard. Sin plazza quatter è Marco Odermatt.
- Pir la sonda la damaun vegn la populaziun da Brinzauls informada, sch'igl è pussaivel da visitar il medem di il vitg evacuà. Quai dapendia da l'influenza da la plievgia e naiv ch'i ha dà la notg passada, scriva la vischnaunca d'Alvra.
Themen in diesem Newsticker
- Lavurs per il segund tunnel da Gotthard han cumenzà
- Genevra: credit per NGOs ch'èn en privel
- Papa Francestg è en l'ospital
- Ponti brilliescha a Dubai
- Attatger da Minca en arrest d'inquisiziun
- Von der Leyen vul activar clausla speziala per sa defender
- Economia è creschida en la zona d'euro
- Novas reglas per il consum da cannabis
- Lena Häcki-Gross 1,4 secundas mancan per la medaglia da bronz
- Petiziun cunter Gipfel Zytig