- Dumeni Tomaschett surpiglia ad interim il presidi da la Sanasurselva. Quai suenter che Patrick Schaniel aveva demissiunà per immediat. Il schaner 2025 vul la corporaziun che segirescha il provediment da sanadad en Surselva eleger ina nova presidenta u in nov president.
- Er a la testa da la vischnanca da Tavau dovri ina soluziun ad interim. Il ladamma Philipp Wilhelm ha ina spussada depressiva ed è perquai en tractament staziunar. Stefan Walser, il vicepresident da Tavau surpiglia actualmain las fatschentas ed obligaziuns dal presidi.
- En la Mesolcina datti in nov triep da lufs . L'Uffizi da chatscha e pestga ha confermà dus lufs creschids ed in luf giuven sin il territori da Soazza che sa movan er sur il cunfin. Il triep porta il num Forcola.
- Il Cussegl d'Europa prenda sut la marella il management da lufs da la Svizra, quai suenter ch'i aveva dà plogn d'organisaziuns d'ambinet. Quellas crititgeschan tranter auter che la Svizra ha definì tschintg regiuns da lufs e tolerescha maximalmain 12 trieps, quai sajan cifras arbitraras. Tar la proxima sesida dal Cussegl d'Europa sto la politica svizra dar pled e fatg en chaussa.
- Ils glatschers lieuan adina pli ferm, quai pudess esser ina schanza per las ovras idraulicas. Numnadamain cun nizzegiar l'aua per far energia, a questa conclusiun vegn in rapport dà en lavur dal Cussegl federal. En tut pudess la producziun vegnir augmentada per 1'470 uras gigawatt l'onn.
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Themen in diesem Newsticker
- Turissem chaschuna 25% da tut il traffic
- EHC Cuira cun segunda victoria en seria
- Parlamentaris da Mustér sa riscundan cunter binari mort a Segnas
- Inscunter bilateral tranter Macron e Trump
- Victoria dubla svizra a Beaver Creek
- Investigaziuns cunter manader da l'Uffizi da migraziun grischun
- Unda da 7,5 milliuns pachets
- Rebels en Siria s'avanzan fin a Homs
- Favugn: auzà pe da taglia
- Viafiers federalas auzan pajas